Globi

PAMJET/ Nën hetimin për korrupsion, theret me thikë lideri i opozitës

Shkruar nga Liberale
PAMJET/ Nën hetimin për korrupsion, theret me thikë lideri i


Lideri i opozizës u sulmua në qafë gjatë një konference për shtyp në qytetin Busan.

Sipas mediave vendase, Lee Jae-myung u sulmua nga një burrë që ndodhej në mesin e turmës, i cili iu afrua për t’i kërkuar një autograf dhe papritmas ju hodh duke e goditur me thikë në qafë në anën e majtë.

Autori u neutralizua dhe u arrestua menjëherë në vendngjarje.

Ndërsa, lideri i opozitës u dërgua me urgjencë në spital përmes helikopterit. Nga sulmi ai kishte pësuar një çarje 1 cm në qafë. Autoritetet koreano-jugore thonë se plaga e tij nuk është kërcënuese për jetën.

Autori i sulmit heshti para hetuesve si për identitetin e tij, ashtu edhe për motivin e sulmit.
Partia Demokratike e Koresë së Jugut e Lee Jae-myung reagoi duke dënuar sulmin.

“Ngjarjen e konsiderojmë akt të qartë të shkatërrimit të demokracisë”, tha zëdhënësi i partisë.

Në zgjedhjet e fundit presidenciale, Lee humbi me rezultat të ngushtë përballë rivalit të tij. Ai pritet që të kandidojë edhe në zgjedhjet e ardhshme presidenciale të vitit 2027. Lee është akuzuar për korrupsion nga prokuroria, teksa gjykata e ka hedhur poshtë kërkesën që ta mbante në paraburgim. Aktualisht prokurorët e kanë nën hetim për një sërë çështjesh të tjera që lidhen me korrupsionin gjatë kohës kur ka qenë kryebashkiak i qytetit Seongnam. Lee i ka mohuar më herët të gjitha këto akuza.

Liberale Newsroom

Poll
SHQIPENGLISH