Pamjet rrëqethëse nga Daily Mail tregojnë momentin kur një zjarr i madh përfshiu një rrokaqiell 67-katësh në Dubai.
Marina Pinnacle - një ndërtesë banimi ku jetojnë 3,820 persona në zonën e pasur të Marinës së Dubait - u përfshi nga flakët rreth orës 9:30 të mbrëmjes së së premtes.
Ekipet e Mbrojtjes Civile të Dubait kaluan gjashtë orë duke u përballur me flakët derisa u kontrolluan me sukses herët të shtunën në mëngjes.
Të 3,820 banorët nga 764 apartamente u evakuuan në mënyrë të sigurt dhe nuk pati të lënduar, sipas Zyrës së Medias së Dubait (DMO).
"Ekipet e ambulancës dhe stafi mjekësor janë në vend për të ofruar mbështetje të plotë mjekësore dhe mendore për banorët e evakuuar në mënyrë të sigurt", tha një zëdhënës i DMO-së në X.
Banorëve të prekur iu sigurua strehim i përkohshëm në një përpjekje të koordinuar nga autoritetet, si dhe nga administratorët e ndërtesës.
Pa asnjë njoftim se kur mund të kthehen në shtëpitë e tyre, banorët kanë bërë rregullime të përkohshme jetese.
Prateek M, një emigrant indian që jeton në katin e 22-të me gruan dhe djalin e tij të vogël, është zhvendosur përkohësisht në një hotel./Liberale.al/
