Pamje dramatike nga Athina. Nga temperaturat ekstreme, Greqia ndodhet prej disa orësh nën flakë. Pamje trishtimi, shkatërrimi dhe dhimbjeje regjistrojnë agjencitë e lajmeve brenda dhe jashtë Greqisë, pas zjarrit që ra në Varnavas mesditën e së dielës së 12 gushtit.

Zjarri, që ishte aktiv më shumë se dy ditësh, la pas një grua të vdekur, mijëra hektarë tokë të djegur, shtëpi dhe biznese të shndërruara në hi.

Gruaja ka ndërruar jetë tragjikisht në Patima Chalandrio, teksa është kapur nga flakët e zjarrit që shpërtheu në zonë. Trupi i saj u gjet brenda një ndërtese tregtare gjatë një operacioni të zjarrfikësve.

Pronari i biznesit, ku u gjet 60-vjeçarja, duke folur për ERT, deklaroi se nuk mund të shpjegojë pse gruaja nuk u largua nga biznesi.

“Nuk e di pse nuk u largua kur të gjithë të tjerët”, tha pronari, duke shtuar: “Nuk di çfarë t’ju ​​them dhe jam i habitur”. “Por si qëndroi këtu nuk mund ta kuptoj” tha ai.

Një banor i zonës të cilit i është djegur shtëpia tha për ERT se “është djegur e gjithë shtëpia dhe fatkeqësisht edhe shtëpia ngjitur është bërë hi. Por gjëja e madhe është se ne humbëm shoqen tonë Nadia[…] Sapo humbëm një mike shumë të mirë[…]”.

Sipas informacioneve, zjarri në industrinë artizanale mesa duket është shkaktuar nga një pishe që është rrëzuar në biznesin e tyre.