Globi

Netanyahu i prerë në takimin me Blinken: Lufta në Rripin e Gazës nuk do të ndalet!

Shkruar nga Liberale
Netanyahu i prerë në takimin me Blinken: Lufta në Rripin e

Kryeministri i Izraelit, Benjamin Netanyahu i tha sot Sekretarit amerikan të Shtetit, Anthony Blinken se ai nuk do të pranojë një marrëveshje që përfshin përfundimin e luftës në Gaza.

Gjithashtu sipas zyrtarëve të lartë amerikanë dhe izraelitë, Netanyahu tha në takimin me Blinken se nëse Hamasi këmbëngul për t’i dhënë fund luftës, marrëveshja nuk do të pranohej.

Kryeministri izraelit theksoi se pushtimi i qytetit Rafah në jug të Rripit të Gazës do të ndodhë dhe se operacioni nuk varet nga asgjë.

Ndërkohë më herët, zëdhënësi i Departamentit të Shtetit, Matthew Miller, njoftoi se Blinken përsëriti në bisedën e tij me Netanyahun se SHBA-të kundërshtojnë sulmin e planifikuar izraelit në qytetin e mbipopulluar Rafah në jug të Rripit të Gazës.

Liberale Newsroom

Poll
SHQIPENGLISH