Një incident ka ndodhur gjatë Lojërave Olimpike të Parisit, ku notarja sllovake Tamara Potocka, ka përjetuar një shembje të rëndë pas garës së saj të kualifikimit në disiplinën e 200 metrave të përziera individuale për femra.

Sipas medieve të huaja, ngjarja ndodhi të premten në mëngjes, menjëherë pas përfundimit të garës.

Potocka, e cila kishte përfunduar garën dhe po dilte nga pishina, u shemb papritur buzë saj. Ajo u pa duke mbajtur një maskë oksigjeni ndërsa personeli mjekësor i ofronte ndihmën e parë. Pjesëmarrësit e garës dhe spectatorët ishin të shqetësuar kur sportistja ra në tokë, e cila ishte e vetëdijshme gjatë gjithë kohës.

Mjekët e pranishëm në pishinë reaguan shpejt dhe pas rreth një minute e ngritën Potockën me një barelë për ta dërguar në spital për kontroll dhe trajtim të mëtejshëm. Raportet nga stafi mjekësor në pishinë njoftuan se gjendja e saj ishte stabilizuar gjatë transportit.