Globi

Mediet e huaja: Lideri suprem i IRANIT fshihet në këtë vend! Trump plan për "ELEMINIMIN" e Khamenei?

Shkruar nga Liberale

Mediet e huaja: Lideri suprem i IRANIT fshihet  në këtë vend!

Udhëheqësi Suprem i Iranit, Ajatollah Ali Khamenei, u zhvendos në një bunker nëntokësor në zonën Lavizan, në verilindje të Teheranit, disa orë pasi Izraeli nisi sulmet e tij ndaj kryeqytetit iranian në orët e para të së premtes së kaluar, raportoi Iran International, duke cituar dy burime të informuara mirë brenda vendit.

Të gjithë anëtarët e familjes së Khameneit, përfshirë djalin e tij Mojtaba, janë me të, thanë të njëjtat burime. 

Sipas medias, kjo është e njëjta strehë ku udhëheqësi fetar dhe familja e tij u morën gjatë operacioneve të Iranit kundër Izraelit,

"Premtimi i Vërtetë 1" dhe "Premtimi i Vërtetë 2" në vitin 2024. Në atë kohë, Mojtaba ishte pranë tij, por dy djemtë e tij të tjerë, Massoud dhe Mostafa, nuk ishin me të.

Të dielën, Izraeli kreu sulmin e parë në qytetin iranian të Mashhadit, i cili është më shumë se 2,300 kilometra larg.

Një burim diplomatik në Lindjen e Mesme i tha Iran International se sulmi ajror në Mashhad ishte një paralajmërim për udhëheqësin suprem të Iranit se ai nuk është i sigurt askund në vend.

I njëjti burim diplomatik shtoi se Izraeli mund ta kishte vrarë Khamenein që natën e parë të operacionit, por qeveria izraelite zgjodhi ta linte gjallë, duke i dhënë një shans të fundit për t'u tërhequr dhe për të njoftuar çmontimin e plotë të programit bërthamor  të Iranit .

Donald Trump  i kishte dhënë Khameneit një afat dy-mujor për të rënë dakord për çmontimin e programit të pasurimit të uraniumit, por udhëheqësi suprem injoroi paralajmërimet si amerikane ashtu edhe izraelite.

Me fillimin e sulmeve ajrore izraelite, kjo "mundësi" po ofrohet përsëri - këtë herë, thonë burimet, për të vlerësuar realisht fuqinë ushtarake të Izraelit dhe për të urdhëruar çmontimin e programit të pasurimit të uraniumit.

Ndërkohë në Uashington, dy zyrtarë amerikanë thanë për Reuters se presidenti Donald Trump kishte vënë veton ndaj një plani izraelit, për të vrarë udhëheqësin suprem të Iranit, Ajatollah Ali Khamenei, ditët e fundit.

I pyetur në lidhje me raportin e Reuters, Netanyahu i tha Fox News të dielën: "Ka kaq shumë informacione të rreme në lidhje me bisedat që nuk kanë ndodhur kurrë, dhe unë nuk do të hyj në këtë."

"Ne po bëjmë atë që duhet të bëjmë," tha ai për "Raportin Special me Bret Baier" të Fox News.

Trump ditët e fundit ka deklaruar se SHBA do të mbrojë Izraelin, ndërsa mohon akuzat iraniane se Shtetet e Bashkuara, ishin të përfshira në sulm dhe ka paralajmëruare Teheranin të mos zgjerojë hakmarrjen e tij për të përfshirë objektivat amerikane./ Përshtati Liberale.al/ 

Liberale Newsroom

A mund të shihen si shpresëdhënës politikanët e rinj për të përmbysur raportin tradicional të dy partive të mëdha në qeverisje prej ‘92?

  • Po!
  • Jo!
Powered by the Tomorrow.io Weather API
SHQIPENGLISH