Adriano Assis do të hipte në fluturimin Voepass 2283 që u rrëzua në Sao Paulo, duke vrarë të gjithë pasagjerët dhe ekuipazhin në bord. Adriano tha se një pjesëtar i stafit të linjës ajrore që e ndaloi të hipte në fluturim i shpëtoi jetën

Shkoi me vonesë për të hipur në avion, por vonesa e ndihmoi një brazilian t'i shpëtonte vdekjes pasi fluturimi që ai humbi pati një fund tragjik mbrëmjen e kaluar.

Adriano Assis do të hipte në fluturimin Voepass 2283 që u rrëzua në Sao Paulo, duke vrarë të gjithë pasagjerët dhe ekuipazhin në bord. Në një intervistë me gazetën lokale të lajmeve TV Globo, Adriano tha se u ndalua të hipte në fluturim sepse ishte vonë.

Një fragment nga intervista u shpërnda në X me mbishkrimin, "Ky njeri nuk u lejua të hipte në aeroplanin që sapo u rrëzua në Vinhedo në Sao Paulo, Brazil sepse ishte VONË. Ai debatoi me burrin që e ndaloi në portën e imbarkimit, por përfundoi duke e përqafuar pasi dëgjova se aeroplani ishte rrëzuar, kjo është e pabesueshme.

Adriano tha se punonjësi i linjës ajrore që e ndaloi të hipte në fluturim i shpëtoi jetën. Ai tha se një konfuzion mbi detajet e fluturimit të tij e bëri atë të vonuar për të hipur. Kur stafi refuzoi ta linte në fluturim, ai "u grind me të e kështu me radhë, dhe kaq. Dhe ai më shpëtoi jetën".

Pasagjeri i 58-të që nuk arriti kurrë në bord ishte Adriano Assis.
"E perqafova se e ka bërë punen, po të mos kishte bere punen e tij, mbase nuk do ta beja kete interviste sot, fola nga inati, por ky kapi, as emrin nuk ia di me të vërtetë më shpëtoi jetën”, tha ai.

/Liberale.al/