Pas dy ditësh operacione, anija ushtarake "Libra" është nisur drejt Shqipërisë, me tetë persona në bord.
Media italiane "La Repubblica" shkruan se fillimisht u zgjodhën nëntë, por një burrë nga Bangladeshi u gjykua shumë i moshuar dhe me shëndet shumë të dobët për të qenë pjesë e bordit.
Operacioni rinisi pas miratimit të një dekreti nga qeveria italiane.
Pak ditë më parë 12 emigrantë të cilët u akomoduan në Shëngjin, u kthyen në Itali sepse gjykata e Romës mori një vendim të tillë, pasi vendet nga ata vijnë si Bangladeshi dhe Egjipti, nuk janë të sigurta.
