Globi

"ISIS është ende kërcënim”, zyrtarja e lartë e SHBA: Puna jonë nuk ka përfunduar ende!

Shkruar nga Liberale

"ISIS është ende kërcënim”, zyrtarja e lartë

Ambasadorja e Shteteve të Bashkuara të Amerikës në Irak, Alina Romanowski, ka deklaruar se shteti Islamik është ende kërcënim në Irak dhe koalicioni ushtarak i udhëhequr nga ushtria amerikane me Irakun për ta mposhtur grupin, nuk ka përfunduar akoma.

Kjo deklaratë e zyrtares amerikane vjen teksa politikanët irakianë, duke përfshirë edhe kryeministrin Mohammed Shia al-Sudani, kanë raportuar se grupi nuk përbën kërcënim më në këtë shtet dhe se koalicioni nuk është i nevojshëm, shkruan Reuters.

“Ne vlerësojmë se ISIS-i është akoma kërcënim këtu, edhe pse i vogël, por prapëseprapë puna jonë nuk ka përfunduar dhe ne duam të sigurojmë se forcat e Irakut mund të vazhdojnë mposhtjen e ISIS-it”, ka thënë Romanowski.

Ajo ka folur pasi dega afganistanase e grupit të Shtetit Islamik, ISIS-K, ka marrë përgjegjësi për sulmin e së premtes në një sallë koncertesh në Moskë, ku janë vrarë 137 persona.

“Kjo ngjarje na kujton neve, se IS-i është grup terrorist që duhet të mposhtet gjithandej”, ka shtuar Romanowski.

Liberale Newsroom

Poll
SHQIPENGLISH