Globi

Gjermania përfshihet nga moti i keq, në disa zona shpallet gjendja e jashtëzakonshme

Shkruar nga Liberale
Gjermania përfshihet nga moti i keq, në disa zona shpallet gjendja e

Gjermania është përfshirë nga moti i keq, ku reshjet e vazhdueshme kryesisht në jugperëndim kanë rritur nivelin e ujërave.

Më i prekur është Saarland-i. Ndonëse nuk ka pasur viktima dhe as dëme, autoritetet paralajmërojnë se gjendja është me rrezik.

Sipas të dhënave të Qendrës për Matjen e nivelit të ujërave nga vërshimet, ekziston një rrezik ekstrem për vërshime. Kjo dukuri natyrore ndodh në cikle çdo 20 ose 50 vjet, komunikoi Enti i landit për Mjedisin dhe Mbrojtjen në Punë në Saarbryken. Shërbimi Sinoptik gjerman paralajmëroi, se ka rrezik për jetë.

Deri tani për fat të mirë nuk ka as viktima dhe as dëme, tha në një deklaratë  Ministria e Brendshme.

Në kryeqytetin e landit Saarbrücken është shpallur gjendje e dëmit të madh. Atje ku lumi Saar ka dalë nga shtrati janë vërshuar disa rrugë prej ujit dhe janë bllokuar – ndër të tjera edhe është bllokuar edhe autostrada e qytetit. Nga disa ndërtesa në këtë zonë të qytetit duhej të evakuoheshin njerëzit. Qendra për mbrojtjen nga katastrofat e konsideron gjendjen mjaft të tensionuar.

Lumi Saar do të vazhdojë të ketë rritje të nivelit të ujit për shkak të reshjeve të vazhdueshme. Shërbimi sinoptik i Gjermanisë ka regjistruar 100 litra ujë shiu për metër katror. Ndonëse reshjet janë rralluar situata është ende e vështirë nëzonat e evakuuara të Saarlandit.

Po ashtu edhe në Nyrenberg brenda tri orësh ka pasur reshje të vazhdueshme dhe janë regjistruar gjithsej 300 emergjenca të zjarrëfikësave./DW

Liberale Newsroom

Poll
SHQIPENGLISH