Kryeministrja italiane, Giorgia Meloni ka deklaruar me bindje se qendrat e migrantëve, të ngritura në Shqipëri do të funksionojnë.
“Ka një zgjidhje, po punojmë për të”, tha Meloni gjatë një inteviste të zhvilluar së fundmi.
“Unë nuk marr përsipër përgjegjësi që nuk i mbaj dot”, shtoi kryeministrja.
Sipas Melonit projekti është inovativ dhe “nuk është rastësi që i kushtohet vëmendje pothuajse nga të gjitha vendet e Bashkimit Evropian.”
“Do të sjellë një ndryshim total në menaxhimin e flukseve migratore”, theksoi kryeministrja italiane.
Prandaj pritet vendimi nga Gjykata Supreme dhe Gjykata e Drejtësisë e BE-së.
“Në çdo rast jam duke punuar edhe për zgjidhje të tjera dhe në fund do të funksionojë”, tha Meloni e vendosur.
“Unë kam marrë parasysh se do të më duhej të punoja tre herë më shumë se paraardhësit e mi për të arritur rezultate. Unë jam e përgatitur, sidomos për emigracionin sepse e dija se do të kishtë një opozitë shumë të madhe”.
“Unë vazhdoj të kërkoj dhe do të gjej zgjidhje, projekti në Shqipëri do të funksionojë”, përfundoi Giorgia Meloni.
