Forcat ajrore izraelite thonë se kanë kryer një sulm në një qendër komandimi të përdorur nga Hamasi.

Mediat palestineze e quajtën objektivin shkollën Hasfa al Faluja dhe thanë se njerëzit e zhvendosur kishin përdorur vendin për t’u strehuar.

Ndërkohë mjekët në vendin e sulmit njoftuan se 14 palestinezë u vranë.

Përmes një postimi në lidhje me sulmin në kanalin e saj Telegram, Forcat e Mbrojtjes të Izraelit thanë se kishin ndërmarrë “hapa të shumtë” për të zbutur rrezikun e dëmtimit të civilëve, duke përfshirë përdorimin e municioneve të sakta dhe mbikëqyrjen ajrore.

Sipas tyre objektivi më parë shërbente si shkollë, por tani përdorej nga Hamasi “për të planifikuar dhe ekzekutuar sulme terroriste”.