Dorëhiqet Sekretarja britanike e Transportit, Louise Haigh. Sipas medieve të huaja, ajo yu deklarua fajtore për raportim të rremë në polici për vjedhjen e një celulari të saj në vitin 2013.

Në letrën e saj të dorëheqjes drejtuar kryeministrit Keir Starmer, ajo e përshkroi incidentin si një “gabim” dhe shtoi se vazhdimi në këtë post mund të bëhet një “shpërqendrim” nga prioritetet e qeverisë.

Haigh, e cila në atë kohë ishte 24 vjeçe, fillimisht e raportoi telefonin e saj si të vjedhur pasi ishte kishte rënë pre e një grabitjeje një natë në Londër. Megjithatë, ajo zbuloi më vonë se pajisja ishte ende në shtëpinë e saj.

“Siç e dini, në vitin 2013 u grabita në Londër. Si një 24-vjeçare, përvoja ishte e tmerrshme. Pas kësaj, unë raportova ngjarjen në polici. I dhashë policisë një listë të pasurive të mia që besoja se ishin vjedhur, përfshirë telefonin tim të punës. Disa kohë më vonë zbulova se aparati në fjalë ishte ende në shtëpinë time. Duhet të kisha informuar menjëherë punëdhënësin tim dhe të mos e bëja këtë menjëherë ishte një gabim”, u shpreh Haigh.