Globi

Armiku i Vis Martinajt/ Dalin pamje nga ekzekutimi i ROAN BRAHIMIT në Greqi!(Dinamika e atentatit)

Shkruar nga Liberale

Armiku i Vis Martinajt/ Dalin pamje nga ekzekutimi i ROAN BRAHIMIT në

Shqiptari Roan Brahimi, emër i njohur për drejtësinë shqiptare u ekzekutua në një atentat mbrëmjen e djeshme në Greqi.

Sipas Protothema.gr, ai shoqërohej nga një 37-vjeçare e quajtur Katerina Beqo, e cila u shpëtoi plumbave.

Çifti u qëllua nga një motoçikletë në të cilën ndodheshim dy persona të maskuar. Në një foto e publikuar nga media greke EPT NEWS, 31-vjeçari pas ekzekutimit të tij shihet i shtrirë në makinë, ku e pranishme ndodhet dhe policia.

Mediat në Athinë shkruajnë se ngjarja ka ndodhur në sy të fëmijës se tij, ndërsa dyshohet se krimi eshte kryer për larje hesapesh mes grupeve kriminale.

Ndërkohë e gjithë skena e krimit është parë nga dëshmitarë okularë, që ishin të pranishën në vendin ku ndodhi atentati.

“Vajza ime e vogël po luante me femijen e tij. Dëgjuam të shtënat dhe vrapova për të parë nëse ishte diçka apo ishte thjesht një lojë. Vogëlushja qante dhe thoshte “babai im, babi im”, thotë një grua dëshmitare.

Ndërkohë hetimet po vazhdojnë për zbardhjen e ngjarjes së rëndë.

Por kush është Roan Brahimi?

Roan Brahimi është një nga personat që dyshohet se ka pasur gisht në atentatin ndaj Ylli Ibrahimit, ku vdiq Klisman Preçi.

Roan Brahimi ishte në kërkim policor edhe për ekzekutimin e Brilant Martinaj dhe miqve të tij, në mbikalimin e Fushë-Krujës, më 17 korrik 2022. Por pse grupi hetues po investohej kaq shumë në emrin e Roan Brahimit, si një nga personat më të mundshëm të dyshuar për atentatin ndaj Ylli Brahjas dhe mikut të tij tashmë të ndjerë, Klisman Preçit.

Sipas dokumentave sekrete të policisë, gjithçka thuhet se lind pas një konflikti që Roan Brahimi kishte me Ylli Brahjan. Ku ky i fundit, sipas dokumentave të prokurorisë, mendohet se e ka çuar Roan Brahimin në një nga bazat ku ishin Ervis Martinaj dhe njerëzit e tij të besuar.

Bazë që ndodhet në afërsi të Fushë Kuqes, ku mendohet se Rohan Brahimi është dhunuar në mënyrë barbare.  E gjitha kjo për borxhet që lidheshin me lojërat e fatit. Me daljen e tij gjallë nga aty, ai thuhet se ka paralajmëruar Ylli Brahjan se “nuk ja falte kurrë atë që i kishte bërë”. Por a është ky motivi i vërtetë i atentatit ndaj Ylli Brahjas, mbrëmjen e 22 korrikut 2022, në qendër të Milotit.

Liberale Newsroom

Poll
SHQIPENGLISH