Një aksident automobilistik ka ndodhur në orët e para të mëngjesit të sotëm në Rodos të Greqisë, ku një shtetas shqiptar ka humbur jetën.
Ngjarja ka ndodhur rreth orës 04:15 në rrugën “Akti Miaouli” në Paradeisi të Rodos, kur motorri që drejtohej nga Valter Vizani, 34 vjeç, nga Mbrostari i Fierit, ka dalë nga rruga në rrethana ende të paqarta.
Si pasojë e aksidentit, i riu ka humbur jetën në vend. Hetimet për zbardhjen e shkaqeve të aksidentit po kryhen nga stacioni policor i Ialisou.
