Mbesa më e madhe e Donald Trump, Kai Trump, bëri një paraqitje të shkëlqyer me një fustan vezullues të mbushur me temina gjatë fjalimit të fitores së gjyshit të saj.
Ndërsa Trump mbante fjalimin, 17-vjeçarja Kai qëndroi pranë tij, e shoqëruar nga vajza e tij Ivanka dhe dhëndri Jared Kushner. Po ashtu, në këtë ngjarje morën pjesë edhe Barron, 18-vjeç, dhe nëna e tij Melania.
Kai Trump, e cila së fundmi u shfaq në Konventën Kombëtare Republikane, ka fituar shumë vëmendje në mediat sociale, kryesisht për pasionin e saj për golfin dhe stilin e saj të veçantë.
Pas daljes së saj në skenë, Kai ka postuar një foto me gjyshin e saj, duke shkruar: “Askush nuk punon më shumë dhe nuk kujdeset më shumë për popullin amerikan. Urime gjysh, të dua!”, shkroi ajo pas fitoreve të mëdha të Trumpit në Pensilvani dhe Wisconsin.
