Bota

Biden bisedë telefonike me Zelenskyn: Do të dërgojmë menjëherë përforcime për mbrojtjen ajrore

Shkruar nga Liberale

Biden bisedë telefonike me Zelenskyn: Do të dërgojmë

Shtetet e Bashkuara "do të dërgojnë shpejt ndihmë të re ushtarake për të përmbushur nevojat urgjente të fushës së betejës dhe mbrojtjes ajrore të Ukrainës pasi Senati të miratojë paketën shtesë të sigurisë kombëtare”.

Kjo është ajo që presidenti Joe Biden i siguroi gjatë një bisede telefonike presidentit ukrainas Volodymyr Zelensky, ditën e sotme.

Shtëpia e Bardhë ka sqaruar se Bidem i "ripohoi angazhimin e qëndrueshëm të Shteteve të Bashkuara për të mbështetur Ukrainën" pas miratimit nga Dhoma e SHBA-së, pas muajsh ngërçi në miratimin e paketës me vlerë 61 miliardë dollarë.

“Presidenti Biden theksoi gjithashtu se ndihma ekonomike e SHBA-së do të ndihmojë në ruajtjen e stabilitetit financiar, në rindërtimin e infrastrukturës thelbësore pas sulmeve ruse dhe do të mbështesë reformat ndërsa Ukraina ecën përpara në rrugën e integrimit euroatlantik”,- thuhet ndër të tjera në deklaratën e Shtëpisë së Bardhë.

Poll
SHQIPENGLISH