BE

Tirana së shpejti me autobusë elektrikë/ BE dhe Gjermania do t'i japin Shqipërisë 82 milionë euro

Shkruar nga Liberale

Tirana së shpejti me autobusë elektrikë/ BE dhe Gjermania do

Në një artikull të fundit të Associated Press, i kushtohet vëmendje projektit të linjave elektrikë të autobusëve në Tiranë.

Bashkimi Evropian dhe Gjermania thanë se do t'i japin Shqipërisë së bashku 81.09 milionë euro, për t'i kthyer në elektrike tre linjat kryesore të autobusëve në kryeqytetin Tiranë, pjesë e ndihmës së vendit ballkanik për të përmbushur kërkesat për t’u bashkuar me bllokun 27-vendesh .

Blloku do t'i japë projektit Green Transport Tirana 31.09 milionë euro si grant ndërsa Banka Gjermane e Zhvillimit KFW do t'i japë 50 milionë euro. Bashkia e Tiranës do të investojë gjithashtu 29.17 milionë euro.

Ky do të jetë sistemi i parë elektrik Bus Rapid Transport, i njohur si “e-BRT”, në Shqipëri.

Projekti, që pritet të nisë këtë vit, synon të përmirësojë ndjeshëm shërbimin e transportit publik dhe të reduktojë emetimet e dioksidit të karbonit si dhe ndotësit e ajrit.

Popullsia postkomuniste e Tiranës është rritur më shumë se trefish: nga 300,000 në 1990 në një milion. Linjat e saj aktuale të transportit operojnë me autobusë të përdorur që lëvizin ngadalë nëpër rrugët e mbushura të qytetit, me pak korsi të dedikuara për ta.

Vendet e Ballkanit Perëndimor – Shqipëria, Bosnja, Kosova, Mali i Zi, Maqedonia e Veriut dhe Serbia – janë në faza të ndryshme në aplikimet e tyre për anëtarësim në BE, gjë që ka zhgënjyer banorët për shkak të ritmit të saj të ngadaltë. Pushtimi rus i Ukrainës, i cili filloi në shkurt 2022, i ka shtyrë liderët evropianë të shtyjnë të gjashtën t'i bashkohen bllokut.

Rusia tradicionalisht ka ndikim në Ballkan, veçanërisht në mesin e serbëve të krishterë ortodoksë.

Kohët e fundit, zyrtarët e BE- së ofruan një paketë prej 6 miliardë eurosh, për vendet e Ballkanit për të inkurajuar reformat dhe për t'i tërhequr ata larg ndikimit rus. /Liberale.al/

Liberale Newsroom

Poll
SHQIPENGLISH