BE

Garë mes presidentit anti-BE dhe kryeministrit pro-evropian, në favor të kujt pritet të votojnë kroatët

Shkruar nga Liberale
Garë mes presidentit anti-BE dhe kryeministrit pro-evropian, në favor

Presidenti i kontestuar i Kroacisë po i jep formë fushatës elektorale përpara zgjedhjeve të parakohshme që mbahen fundjavën e ardhshme. Zoran Milanoviç, i njohur për qasjen kritike ndaj BE-së dhe Ukrainës, nuk do të garojë si kandidat kryesor për postin e kryeministrit. Por partia e tij në opozitë sulmoi ashpër kryeministrin Andrej Plenkoviç për korrupsion dhe për zgjedhjen e kryeprokurorit.

“Bashkë me ndryshimin e kryeprokurorit dhe ndryshimin e ligjit për informacionet e klasifikuara, masa jonë kryesore në javën e parë do të jetë një ndryshim i mënyrës së harmonizimit të pensioneve. Amendamenti i parë për buxhetin do të prezantojë një rritje të tyre, për t’u kthyer pensionistëve atë që Plenkoviç ua ka vjedhur në katër vitet e fundit”, deklaroi Peđa Grbin, kryetar i Partisë Social-Demokrate, Kroaci.

Kryeministri Andrej Plenkoviç udhëheq Kroacinë që prej 2016-s. Ai ka hedhur poshtë akuzat për korrupsion dhe ka mohuar zërat se do ta fusë vendin në luftë përkrah Ukrainës.

Konflikti mes dy liderëve kroatë daton që me fillimin e luftës në Ukrainë, kur presidenti kritikonte shpesh herë përpjekjet e BE-së dhe NATO-s për të ndihmuar Kievin.

Deri më tani, konservatorët, që në fushatë po vënë në dukje stabilitetin ekonomik, janë përpara në sondazhe, kur mungon një javë nga zgjedhjet.

“Partia Demokratike Kroate është gati për një tjetër mandat të besuar nga qytetarët. Uroj që partia jonë të jetë gjithmonë një hap përpara partive të tjera në të gjitha sfidat dhe të udhëheqë popullin kroat për një të ardhme më të mirë”, deklaroi Andrej Plenković, kryetar i Unionit Demokratik dhe kryeministër.

Zgjedhjet parlamentare që do të mbahen fundjavën e ardhshme në Kroaci vijnë pak përpara zgjedhjeve euro-parlamentare, më 9 gusht.

Liberale Newsroom

Poll
SHQIPENGLISH