BE

Borrell: Izraeli nuk ka të drejtë të bllokojë krijimin e shtetit palestinez

Shkruar nga Liberale

Borrell: Izraeli nuk ka të drejtë të bllokojë krijimin e

Përfaqësuesi i Lartë i BE-së për Politikë të Jashtme, Josep Borrell tha të martën se Izraeli nuk mund të lejohet të bllokojë krijimin e një shteti palestinez pas luftës në Gaza.

“Një gjë është e qartë. Izraeli nuk mund të ketë të drejtën e vetos për vetëvendosjen e popullit palestinez”, tha Borrell në një konferencë në Bruksel me homologun e tij egjiptian, ministrin e Jashtëm Sameh Shoukry.

“Kombet e Bashkuara njohin dhe e kanë njohur shumë herë të drejtën e vetëvendosjes së popullit palestinez. Askush nuk mund të vërë veton”, shtoi Borrell.

Ministri i Jashtëm egjiptian Sameh Shoukry tha nga ana e tij se ekziston “një konsensus ndërkombëtar mbi nevojën për të zgjidhur konfliktin mbi bazën e një zgjidhjeje me dy shtete”.

“Ka ardhur koha për ta zbatuar atë dhe komuniteti ndërkombëtar ka mjetet, burimet dhe mekanizmat për ta bërë këtë”, theksoi ministri egjiptian.

Liberale Newsroom

Poll
SHQIPENGLISH