Presidenti i Universitetit Europian të Tiranës, Selami Xhepa, në një intervistë për gazetaren Mira Kazhani tha se në thelbin e vetë roli i parasë është ta zgjerojë lirinë e individit.
Duke iu referuar vetes, ai u shpreh se, “paraja është aq e nevojshme sa të më krijojë lirinë e duhur për të menduar, lirinë për të punuar, për të jetuar, për të bërë një jetë normale, por kur paraja shndërrohet në qëllim në vetvete atëherë bëhet objekt skllavërimi dhe jo objekt lirie. Pra humbet thelbin për të cilin është krijuar paraja”.
Ndërsa më tej, ai u shpreh se personat më të suksesshëm në biznes janë ata që kanë lidhje me politikën.
Por sipas profesor Xhepës, biznesmenët më të pëlqyer për të janë ata, të cilët e kalojnë 90% të kohës së tyre në vendin e punës, duke punuar së bashku me të tjerët.
“Absolutisht, sepse nuk e kanë problem… klientët ndryshojnë, ndërsa ata vazhdojnë që të mbeten me të njëjtën filozofi. Ky është problem i rëndësishëm i shoqërisë tonë. Po ka një profil tjetër biznesmenësh që janë ata të pëlqyerit për mua, të cilët e kalojnë 90% të kohës së tyre në fabrikë, në vendin e tyre të punës, duke punuar së bashku me të tjerët. Sigurisht, jo duke bërë punën që bën punëtori, ama duke qenë gjithmonë një shembull. Unë njoh biznesmenë të tillë dhe jam realisht shumë krenar”, u shpreh Xhepa.
Burimi: Podcasti “Zë me Mirën” – Tiranapost
