Aktualitet

Rrufe në qiell të pastër/ Besiana Kadare: Përpjekje mjerane për të shfrytëzuar figurën e Kadaresë. Ben Blushi: Vajza e paedukuar e Kadaresë kërkon të mbrojë shkrimtarin nga “vetvetja”

Shkruar nga Liberale
Rrufe në qiell të pastër/ Besiana Kadare: Përpjekje mjerane

Dita e parë e muajit Shkurt për këtë vit dukej e qetë pa shumë lajme, kur befas një rrufe në qiell të pastër. Besiana Kadare, vajza e shkrimtarit më të njohur shqiptar në mbarë botë, Ismail Kadaresë, akuzon shkrimtarin dhe ish-politikanin Ben Blushi se ka botuar në librin e këtij të fundit “41 sekretet” një "interviste", pa marre pëlqimin e bashkëbiseduesit,  duke abuzuar kështu me besimin që iu akordua, dhe me  "kurajën" e çuditshme se po i zbulon publikut shqiptar sekrete të paditura.

Rreth katër orë më pas ka reaguar Bën Blushi duke iu kundërpërgjigjur vajzës së shkrimtarit të njohur se e ka marrë Ismail Kadarenë në telefon dhe i ka thënë se kam ndërmend të botoj bisedën që zhvilluan bashkë. “Ismaili u gëzua dhe më falenderoi. Kur libri 41 Sekrete u botua, i dërgova një kopje edhe Ismail Kadaresë. Pasi lexoi pjesën e vet të titulluar, Ismail Kadare Pasdite, ai më mori në telefon dhe më falënderoi, duke më thënë se i kishte pëlqyer ai tekst,” shkruan mes te tjerash Ben Blushi në komentin e tij.

Por nuk ka mjaftuar vetëm kjo akuzë mes njëri-tjetrit. Në komentet e tyre kush më pak e kush më i përmbajtur kanë pasur ofendime ndaj njëri tjetrit. Për botimin e “intervistës” nga ana e Ben Blushit në librin “41 sekretet” vajza e Kadaresë e ka quajtur “një gjest ky sa imoral aq dhe i paligjshëm,” duke shtuar se “fatkeqësisht është bere praktike tashme qe gjithfarë njerëzish shpresojnë të bëjnë publicitet, duke u përpjekur të shfrytëzojnë ne forma te ndryshme figurën e Kadaresë dhe kontaktin me te. Duke patur parasysh moshën e thyer te tim ati, çdo përpjekje e këtij lloji është vërtet mjerane.”

Nga ana tjetër në përgjigjën e tij, Ben Blushi është treguar më i përmbajtur duke shkrua se nuk do i përgjigjet siç e meriton, meqë është vajza e Ismail Kadaresë. Në fund komentin e tij Ben Blushi e mbyll me fjalinë:- “Është pa kuptim mbrojtja e Kadaresë nga Ismaili, edhe kur kjo vjen nga një vajzë e paedukuar siç është rasti i të bijës.”

Në komentin e tij Ben Blushi flet për diçka që nuk ishte përmendur më parë në media. Blushi shkruan se në takimin me gjeniun e letrave vuri re se “Ismaili ishte plotësisht i qartë, lucid dhe i përqëndruar dhe nëse bënte sikur harronte apo nuk kuptonte gjë, kjo ishte një lojë e tij. Sipas meje një kapricio.”...   “Por tani që lexoj çfarë kanë shkruar, që nga vajza e tij e para, kuptoj se unë dhe ata kemi një dallim të madh : ata mendojnë se Ismaili është i përhumbur, nuk është i kthjellët, nuk është fare lucid dhe për këtë shkak mendojnë se duhet mbrojtur dhe izoluar në mënyrë që bota mos njohë Ismailin që është, por atë që ka qenë. Me shumë pakujdesi, duke menduar më shumë se si të më fyente mua dhe jo si të mbronte babain e saj, këtë gjë kishte pohuar vajza e Ismailit në ndërhyrjen e shëmtuar ndaj meje. Ndërsa unë mendoj të kundërtën. Ismail Kadare po luan me ata dhe ndoshta edhe me veten. Kështuqë çdo përpjekje për ta mbrojtur nga unë është e kotë. Siç është pa kuptim mbrojtja e Kadaresë nga Ismaili, edhe kur kjo vjen nga një vajzë e paedukuar siç është rasti i të bijës.” /Liberale.al/

Liberale Newsroom

Poll
SHQIPENGLISH