Bes Kallaku në UET: Pse e quajtja vajzën time Ajka dhe lidhja me Ijen

Aktori i humorit, Bes Kallaku tregoi në UET detaje rreth emrit të veçantë të së bijës, Ajka. E sigurisht një histori të veçantë nga ato që Besi di t’i tregojë shumë mirë dhe plot humor do ta kishte.

“Mezi prisja qe Ija të ziente qumështin dhe të merrja ajkën për të lyer bukën”, thotë ai, duke treguar se nga e ka origjinën edhe emri i vogëlushes Ajka.

Pjesë nga intervista:

Vajzën e keni quajtur Ajka, një emër i veçantë dhe i padëgjuar më parë. Pse keni zgjedhur pikërisht këtë emër?

Unë nga Bubqi jam. Mezi prisja qe Ija të ziente qumështin dhe të merrja ajkën për të lyer bukën. Para se të merrnin vesh gjininë e fëmijës, unë isha i bindur që ishte djalë. Madje kisha gjetur edhe dy emra: Amen dhe Oat. Një natë, pas muajit të tretë të shtatzënisë, Xhensila zgjohet nga ora 3-4 e mëngjesit, e më thotë: “E kemi vajzë, do t’ia vëmë emrin Ajka”. Më kërkoi ta mbaja shënim, por unë vijoja me idenë e djalit. Kur shkojmë te doktori ai na konfirmon që prisnim vajzë, por tashmë unë e kisha harruar emrin. Një ditë shkojmë në një restorant në Fresk, ku unë porosis qumësht me ajkë. Aty kujtohemi për emrin dhe vendosim që ta quajmë Ajka. /Gazeta Liberale

Tags: Bes Kallaku, Ftese ne Studi, uet