Aktualitet

Basha për Ramën: Mbreti lakuriq që po e tregojnë me gisht të gjithë!

Shkruar nga Liberale
Basha për Ramën: Mbreti lakuriq që po e tregojnë me gisht

Kryetari i Partisë Demokratike, Lulzim Basha akuzon kryeministrin Edi Rama se e ka shembur me qëllim Teatrin Kombëtar që në atë truall të ndërtojë kulla, për të pastruar sipas tij, paratë e pista.

"Si hajdut ordiner ai tani përpiqet të fshehë vjedhjen e tij pas ëndrrës së shumë artistëve për një Teatër të ri. Kjo grabitje e dhunshme e pasurisë sonë kombëtare është provokim për çdo qytetar që nuk e ka marrë akoma pagën e luftës, për çdo biznes që po falimenton prej dështimeve të Ramës, për çdo të papunë sot në Shqipëri dhe për çdo shqiptar të ndershëm", shkruan Basha.

Postimi i Bashës:

Rama e shembi Teatrin Kombëtar me dhunë, kundër ligjit dhe me qëllimin e vetëm që në truallin e tij të ndërtojë kullat duke pastruar lekët e pista në mes të Tiranës.

Si hajdut ordiner ai tani përpiqet të fshehë vjedhjen e tij pas ëndrrës së shumë artistëve për një Teatër të ri. Kjo grabitje e dhunshme e pasurisë sonë kombëtare është provokim për çdo qytetar që nuk e ka marrë akoma pagën e luftës, për çdo biznes që po falimenton prej dështimeve të Ramës, për çdo të papunë sot në Shqipëri dhe për çdo shqiptar të ndershëm.

Si burracak, Rama tani përpiqet t’ia hedhë fajin kujdo tjetër që të shpëtojë sadopak veten. Por ai është sot mbreti lakuriq që po e tregojnë me gisht të gjithë. /Gazeta Liberale

Liberale Newsroom

Poll
SHQIPENGLISH