Aktualitet

Basha kërkon falje këtë “8 Dhjetor” dhe zotohet para shqiptarëve: Do e bëjmë Shqipërinë si Evropa

Shkruar nga Liberale
Basha kërkon falje këtë “8 Dhjetor” dhe zotohet para

Këtë “8 Dhjetor”, 31 vite nga Lëvizja Studentore që rrëzoi regjimin komunist, kreu i Partisë Demokratike, Lulzim Basha, kërkoi falje në emër të PD dhe gjithë demokratëve për faktin që sipas tij “do të ishte një mëkat i pafalshëm ndaj të rinjve të sotëm, që të mbyllim sytë e të mos pranojmë atë pjesë të fajit që është e jona, faktin që shkulëm komunizmin, por jo mentalitetin komunist”.

Në fjalën e tij në aktivitetin zhvilluar në përkujtim të kësaj dite, kryedemokrati Basha u zotua para gjithë shqiptarëve se “PD në këmbë, PD është e fortë, PD ka ditur dhe do të dijë të qëndrojë në këmbë, e fortë, e bashkuar, sepse ne kemi një mision, lirinë, demokracinë, Shqipërinë si gjithë Evropa. E kemi marrë nga dhjetoristët dhe nuk e dorëzojmë, derisa ta bëjmë realitet”.

Liberale Newsroom

Poll
SHQIPENGLISH