Aktualitet

Balla i kujtoi "3 marsin", Berisha: Betohem para burrave! Ti dhe Rama, përgjegjës për çdo akt armiqësor ndaj PD-së

Shkruar nga Liberale
Balla i kujtoi "3 marsin", Berisha: Betohem para burrave! Ti dhe Rama,

Kreu i "Rithemelimit", Sali Berisha i është përgjigjur kreut të Grupit Parlamentar të Partisë Socialiste, Taulant Balla.

Balla tha se pas 3 marsit,“nuk do të jeni më kështu, pasi do gjykata do të marrë vendimin”.

Ndërsa Berisha nga podiumi i protestës iu drejtua duke i thënë se “betohet para këtyre burrave, se ti dhe Edi Rama do bëheni përgjegjës personal për çdo akt armiqësor ndaj PD-së dhe opozitës shqiptare”.

"Sot Taulant Balla njoftoi vendimin që do japë gjykata me datë 3, unë i them meqenëse ti je i pari që njoftove vendimin, të betohem para këtyre burrave, se ti dhe Edi Rama do bëheni përgjegjës personal për çdo akt armiqësor ndaj PD-së dhe opozitës shqiptare. Kudo që të fshihesh, në çdo vrimë miu, do të kapim dhe do të çojmë te Gentian Sharra. Për këtë Edi Rama dhe ti do jeni përgjegjës personalë. Për tre minuta, jemi brenda në parlament. Prandaj ikni. Po vendosëm, jemi në sallë! Po vendosëm, jemi në sallë, asgjë nuk na pengon! 3 marsi është dita e madhe, 3 marsi është ditë fitoreje për revolucionin. 3 marsi është dita e çdo shqiptari, është dita në të cilën bëjmë betejën për të sotmen dhe të ardhmen tonë. Edhe njëherë ju përshëndes shumë përzemërsisht, ta vazhdojmë betejën tonë. Në çdo rast, marshi drejt Surrelit, do jetë marshi ynë”, tha Berisha.

Kujtojmë se, kreu i KQZ-së, Ilirjan Celibashi theksoi se, në datën 3 mars gjykata do të vendosë në lidhje me konfliktin, se cili është organi udhëheqës i Partisë Demokratike.

Liberale Newsroom

Poll
SHQIPENGLISH