Aktualitet

Atentati në Peqin, policia "blindon" spitalin e Elbasanit

Shkruar nga Liberale
Atentati në Peqin, policia "blindon" spitalin e Elbasanit

Një ngjarje e rëndë u regjistrua mbrëmjen e sotme në fshatin Përparim, në Peqin. Si pasojë e një atentati të organizuar nga disa persona emrat e të cilëve nuk dihen, mbeti i vrarë 23 vjeçari Enti Zylyfi dhe u plagos rëndë me plumb në kokë një 21 vjeçar.

21-vjeçari ndodhet në spitalin e Elbasanit, aty ku ka zbarkuar edhe policia. I riu është duke marrë edhe trajtimin e nevojshëm, por ende nuk ka raportime për gjendjen e tij.

Atentati me armë që ka ndodhur nga një makinë në lëvizje dyshohet të ketë lidhje me ngjarjen e ndodhur një vit më parë, ku mbetën të vrarë Endrit Alibej, 34 vjeç, (shënjestër e atentatit të atëhershëm), Arben Dylgjeri 56 vjeç nga Elbasani, si dhe Erdal Duranay (shtetas turk) 51 vjeç.

Të rinjtë që ishin shënjestër e atentatit gjatë ditës së sotme janë kushërinj me viktimat e atentatit të 29 dhjetorit të vitit të shkuar. Ende nuk dihet nëse vrasja e sotme ka lidhje me krimin e atëhershëm, por paraprakisht dyshohet për larje hesapesh./panorama/

Liberale Newsroom

Poll
SHQIPENGLISH