Aktualitet

ARRSH njofton: Në këto akse rrugore duhen përdorur zinxhirët

Shkruar nga Liberale
ARRSH njofton: Në këto akse rrugore duhen përdorur zinxhirët

Autoriteti Rrugor Shqiptar njofton se të gjitha akset rrugore kombëtare janë të kalueshme, ndërsa apelon drejtuesit e mjeteve të vogla të përdorin zinxhirë në rrugën e Dradhës, qarku Korçë.

“Po punohet në aksin Qafa e Qarrit-Korçë-Ersekë, në rrugën e Dardhës dhe atë të Voskopojës për pastrimin e rrugës. Nuk ka probleme në qarkullim e mjeteve në të gjitha akset kombëtare”, thuhet në njoftimin e ARRSH-së.

Po ashtu, bëhet e ditur se puna do të vazhdojë pa ndërprerje gjatë ditës nga kontraktorët e mirëmbajtjes, nisur edhe nga parashikimet e motit për orët në vijim.

“Drejtuesit e mjeteve që zgjedhin të kalojnë këto akse të tregohen të kujdesshëm, të respektojnë sinjalistikën dhe udhëzimet e Policisë Rrugore”, thuhet në njoftim. /Gazeta Liberale

Liberale Newsroom

Poll
SHQIPENGLISH