Britania e Madhe ka dënuar 3 shtetas shqiptarë, për pedofili, rrëmbim personi dhe trafikim të lëndëve narkotike të cilët do të ekstradohen drejt vendit tonë.
Anglia do të ekstradojë disa të burgosur që janë dënuar aty për vepra të ndryshme penale. Një nga të ekstraduarit është dënuar me 18 vite burg, pasi u akuzua për trafik droge, që kapte vlerën e dy milionë paundëve.
Shqiptari i dytë i ekstraduar ishte dënuar me tre vite burgim, pasi kishte ngacmuar seksualisht një të mitur.
Ndërsa personi i tretë ishte dënuar me 4 vjet burg, pasi akuzohej për rrëmbim personi, si dhe ushtrim dhune.
