Para aksidentit tragjik dy turistët polakë publikuan një foto, në një postim të fundit në rrjetet sociale.
Në foton e publikuar në rrjetet sociale ata ndodheshin në Malin e Zi, pak orë para se të kalonin kufirin për në Shqipëri.
Waldemar Makowski, 45-vjeç, dhe Marta Makowska 42 vjeçare, turistë polakë, humbën jetën mesditën e sotme në një aksident tragjik afër Bushatit, në Shkodër.
Ata po udhëtonin me motor dhe u përplasen me një automjet, në rrethana që janë ende nën hetim nga policia.
Pas aksidentit policia ka shoqëruar drejtuesin e një mjeti tip “Golf”, i cili dyshohet se i preu rrugën motorin, megjithatë hetimet e mëtejshme do të përcaktojnë shkakun e aksidentit me pasojë vdekjen e dy turistëve.