Duka dhe Dukesha e Sussex u përballën me një pyetje të vështirë nga gazetarët për dokumentarin e tyre shpërthyes Netflix në Nju Jork.
Princi Harry dhe Meghan Markle u pyetën mbrëmë nëse po i vendosnin paratë para familjes, teksa po merrnin pjesë në një gala të mbushur me yje të organizuar nga organizata e të Drejtave të Njeriut Robert F Kennedy, ku morën një çmim për luftimin e racizmit në Familjen Mbretërore.
Dyshja nuk dhanë një përgjigje të drejtpërdrejtë, por Duka mund të dëgjohej duke thënë “kaq shumë pyetje”, përpara se të hynin brenda.
Ngjarja vjen vetëm disa orë para fillimit të serialit shpërthyes të çiftit në Netflix, pasi u publikuan trailerat nxitës që promovonin dokumentarin e tyre të ardhshëm, në të cilin ata lanë të kuptohet se Pallati Buckingham zbuloi dhe mbolli histori negative rreth tyre.
Në klipet për shfaqjen, princi gjithashtu duket se synon ndihmësit mbretërorë, duke buzëqeshur teksa komenton: “Është një lojë e pistë”. Të tjerë e kanë bërë të qartë se megjithëse Harry dhe Meghan hodhën një mori gjysmë-akuzash dhe nënkuptimesh kundër Familjes Mbretërore, veçanërisht në intervistën famëkeqe të Oprah të vitit të kaluar, ata kurrë nuk kanë dhënë asnjë provë për pretendimet e tyre.
Mbretëresha Elizabeth e ndjerë, gjyshja e Harrit, tha në atë kohë se ndërsa pretendimet e tyre, veçanërisht për çështjet racore, kishin qenë ‘shqetësuese’, ato nuk u pranuan, duke përdorur frazën e famshme ‘kujtimet mund të ndryshojnë’.
Mbrëmë Duka dhe Dukesha u zotuan se lufta e tyre kundër ‘shtypjes’ sapo ka filluar në një ceremoni luksoze të çmimeve në Nju Jork.
Harry dhe Meghan dhanë komentet e para pasi u nderuan me një çmim për luftimin e racizmit në Familjen Mbretërore nga Fondacioni për të Drejtat e Njeriut Robert F Kennedy, një çmim që e ka marrë Barack Obama dhe Hillary Clinton.
Meghan foli gjithashtu për luftën e saj me mendimet për vetëvrasje që kur u bë anëtare e Familjes Mbretërore, duke i thënë audiencës se “nuk donte të ishte më gjallë” dhe duke treguar se vendimi për të mos i dhënë fund jetës së saj “nuk ishte i lehtë”, vërejtjet që i bëjnë jehonë atyre të bëra gjatë intervistës së saj bombë me Oprah Winfrey./Liberale.al
