Analizë

A do falimentojnë markat e luksit?

Shkruar nga Liberale
A do falimentojnë markat e luksit?

Mikel QAFA*

Hermès është e njohur botërisht për ekskluzivitet dhe konsiderohet simboli më i lartë i luksit. Një nga produktet më ikonike, çanta Birkin, u shit për një shifër të mahnitshme prej 450,000 dollarësh një vit më parë. Megjithatë, për të patur këtë produkt, nuk është aq e thjeshtë si të bësh blerje direkt nga faqja e internetit e kompanisë apo duke hyrë në një dyqan fizik. Nuk do gjeni asnjëherë reklama në revistat e modës ose fushata promovimi në Instagram. Për individët që nuk njihen gjerësisht me industrinë e luksit, për të blerë një çantë Birkin, shpesh do futësh në një listë pritjeje të gjatë që mund të zgjasë disa vite.

Pritja e zgjatur për një çantë Birkin mund të atribuohet dy faktorëve kryesorë. Së pari, Hermès menaxhon me kujdes furnizimin e kufizuar të këtyre çantave, duke siguruar që secila prej tyre të jetë e krijuar me precizion dhe vëmendje të jashtëzakonshme ndaj detajeve. Së dyti, kërkesa për mallra luksoze, në përgjithësi, është rritur shumë. Kompania Kering, e cila është pronare e markave të njohura të modës si Gucci dhe Balenciaga, ka përjetuar një rritje prej 14% në fitimin neto vitin e kaluar. LVMH, pronari i markave të njohura si Tiffany dhe Louis Vuitton, ka përjetuar një rritje afërsisht prej 25%. Në të njëjtën kohë, Hermès dhe Richemont, pronari i Cartier dhe markave të tjera prestigjioze, kanë parë fitimet e tyre të rriten me më shumë se 30%. Së bashku, këto katër konglomerate të luksit kanë mbledhur fitime që tejkalojnë 33 miliardë euro ($35 miliardë) nga të ardhurat e shitjeve prej $130 miliardë.

Megjithatë, peisazhi ka ndryshuar për shkak të shqetësimeve rreth inflacionit të vazhdueshëm dhe rritjes së normave të interesit të ndërmarra për ta frenuar inflacionin. Këto kushte kanë nxitur shqetësime për një recesion të mundshëm global, duke rezultuar në një ulje të interesit për markat luksoze në sytë e investitorëve. Pakënaqësia e drejtuesve të markave luksoze, shprehur në një takim të liderëve të industrisë, provokoi një provokoi një lëvizje të tregut që shkaktoi uljen prej 7% ($65 miliardë) nga vlera tregtare e përbashkët e katër grupeve luksoze.

Sapo aksionerët të ndihen të kërcënuar nga kriza, do të vlerësojnë dy faktorë kyç për të vlerësuar shpresat e aksioneve të tyre në markat luksoze.

Së pari, ata duhet të shqyrtojnë pozicionimin e një markë në tregun luksoz. Shtëpitë luksoze të tregut të mesëm që synojnë konsumatorët e pasur të moderuar, si Ralph Lauren me veshje tematike të polo-s, janë më të cënuar nga sfidat ekonomike krahasuar me markat luksoze që synojnë klientët e pasurisë ekstreme. Kjo tendencë u bë e dukshme vitin e kaluar kur blerësit që zakonisht shpenzonin deri në 1,000 euro për produkte luksi zvogëluan shpenzimet mesatare me 50% në 2022, sipas firmës analizuese Bernstein. Në krahun tjetër, të pasurit ekstrem dyfishuan shpenzimet e tyre. Sot, vetëm 5% e blerësve kontribuojnë në 40% të shitjeve të markave luksoze.

Së dyti, ekspozimi në tregun kinez, një nga tregjet luksoze më të mëdhenj në botë, është faktor kritik. Tregtarët e markave luksozë, duke pritur një rimëkëmbje të rëndësishme të shitjeve pas viteve të rrepta të bllokimit të COVID-19, janë zhgënjyer nga shpenzimet e kufizuara të konsumatorëve kinezë. Kompanitë si Estée Lauder, e njohur për produktet e shtrenjta kozmetike, kanë ulur pritshmëritë e tyre për shitjet në rajon. Burberry, një markë britanike e famshme për palltot me ngjyrë bezhë, tani gjeneron më pak se një të tretën e shitjeve të saj nga blerësit kinezë, një ulje e dukshme nga 40% që ishte përpara pandemisë. Gjithashtu, nëse tensionet gjeopolitike midis Kinës dhe botës perëndimore përshkallëzohen, markat luksoze amerikane dhe evropiane që operojnë në Kinë mund të përballen me sfida të mëtejshme.

*Pedagog në departamentin e Marketingut dhe Menaxhimit ne Universitetin Europian të Tiranës

Liberale Newsroom

Poll
SHQIPENGLISH