Aktualitet

Spiropali: Kemi filluar analizë të strukturave në çdo qark

Shkruar nga Liberale
Spiropali: Kemi filluar analizë të strukturave në çdo qark

E ftuar në “Kjo Javë” në News24, Elisa Spiropali tha se ka nisur një analizë në çdo qark dhe çdo organizatë për rezultatin e arritur, dhe sipas saj këtë gjë duhet ta bëjë çdo parti dhe opozita.

“Ne mendojmë se kemi 77 mandate në kuti. Fakti që kemi marrë 74 mandate për një mandat të tretë është një fitore e jashtëzakonshme e Edi Ramës dhe PS që ka përfshirë të gjitha kapacitetet njerëzore, alternativat, idetë. Krenaria është një gjë dhe përgjegjësia diçka tjetër. Sot kemi të certifikuara nga KQZ, nga raportet e partnerëve tanë ndërkombëtarë zgjedhjet me këto rezultatet. Secilës parti i takon të bëjë analizat e saj. Ne kemi bërë analizën tonë. Kemi filluar një remont total të strukturave, po bëjmë analiza në çdo qark dhe çdo organizatë. Deri më 12 qershor do kemi një fotografi shumë më të qartë të punës në territor. Këtë bën një parti serioze dhe këtë mendoj se duhet të bëjë dhe opozita në vend se të bëjë një tur të humbjes qytet më qytet, duke nxjerrë alibi për një humbje dinjitoze.

Fushata ishte e mirë, ka marrë një rezultat më të lartë se 2017. Humbësja pa diskutim e këtyre zgjedhjeve është LSI me në krye presidentin e Republikës. Ka marrë një shuplakë spektakolare nga qytetarët për këtë abuzim të pastër me karrigen e pres të republikës. Nuk e di a do bëjnë analizë ata por ne do bëjmë analizën e presidentit patjetër”, deklaroi Spiropali.

Liberale Newsroom

Poll
SHQIPENGLISH