Aktualitet

Faqja u sulmua nga hakerat, reagon Kuvendi i Shqipërisë

Shkruar nga Liberale
Faqja u sulmua nga hakerat, reagon Kuvendi i Shqipërisë

Kuvendi i Shqipërisë ka reaguar për sulmin kibernetik të një dite më parë nga hakerat duke deklaruar se nuk ka humbje të të dhënave në sistem.

Përmes një reagimi zyrtar, kuvendi thotë se ekspertët e IT  po punojnë për të zbuluar pasojat që mund të ketë sjellë ky sulm në sistemin e Kuvendit të Shqipërisë.

REAGIMI I PLOTË I KUVENDIT:

Gjatë ditës së djeshme është konstatuar një sulm kibernetik ndaj institucionit të Kuvendit të Shqipërisë. Sipas ekspertëve, nga ky sulm është synuar ndërhyrje në infrastrukturë dhe tentativë për fshirje të të dhënave.

Ju bëjmë me dije se nuk janë prekur të dhënat në sistem dhe ekspertët janë angazhuar plotësisht, që prej momentit kur kanë detektuar këtë ndërhyrje nga jashtë institucionit.

Ekspertët e IT po punojnë për të zbuluar se çfarë pasojash ka sjellë ky sulm në sistemin e Kuvendit të Shqipërisë.

Për sa më sipër, dalja LIVE e shërbimeve kërkon kohë pasi po kontrollohen të gjitha detajet dhe vijon puna për të kthyer në normalitet faqen e Kuvendit të Shqipërisë.

Liberale Newsroom

Poll
SHQIPENGLISH