Një aksident automobilistik ka ndodhur mbrëmjen e së martës në aksin rrugor “Elbasan-Rrogozhinë”.
Sipas informacioneve paraprake nga policia, në fshatin Karinë, automjeti me drejtues një 57-vjeçar, banues në Elbasan është përplasur me mbrojtësen metalike të rrugës.
Nga përplasja është dëmtuar 57-vjeçari dhe ndodhet në kujdesin e mjekëve, jashtë rrezikut për jetën.
Grupi hetimor po punon për përcaktimin e shkaqeve të aksidentit.
