Globi

6500 shkencëtarë dhe mjekë, peticion: Të ndalohet një tjetër mbyllje

Shkruar nga Liberale
6500 shkencëtarë dhe mjekë, peticion: Të ndalohet një

Më shumë se 6 mijë e 500 shkencëtarë dhe mjekë në Mbretërinë e Bashkuar dhe Shtetet e Bashkuara të Amerikës kanë nënshkruar peticionin kundër një tjetër bllokimi, në mënyrë që rinia të fitojë ‘imunitetin e tufës’.

Peticioni që u shkrua nga tre shkencëtarë dhe që u mbështet nga më shumë se 60 mijë qytetarë, paralajmëron se rregullat e distancimit social po sjellin “ndikime të dëmshme në shëndetin fizik dhe mendor”.

Ata argumentojnë se shumica e popullsisë nuk rrezikohet të vdesë nëse infektohet me Covud-19, derisa theksohet se përpjekjet duhet të përqendrohen në mbrojtjen e atyre që janë më të rrezikuar, derisa lejohen të gjithë të tjerët ta vazhdojnë jetën e tyre normalisht, shkruan DailyMail.

Peticioni i nënshkruar nga më shumë se 2 mijë e 800 shkencëtarë dhe pothuajse 3 mijë e 800 mjekë, është një thirrje për ekspertët dhe politikanët që të ndalojnë së ikuri nga koronavirusi dhe të mësojnë të jetojnë me të.

“Ata që nuk janë të rrezikuar duhet menjëherë të lejohen ta vazhdojnë jetën e tyre normalisht. Mbajtja e këtyre masave të bllokimit derisa të zbulohet vaksina do të shkaktojë dëme të pariparueshme”, kanë deklaruar shkencëtarët.

Liberale Newsroom

Poll
SHQIPENGLISH