Ministri i Jashtëm Italian ka përshëndetur gjestin e Shqipërisë për të dërguar në shtetin fqinj 60 infemierë që do të shërbejnë në luftën kundër Covid-19. Ai thotë se kjo është një tjetër dhuratë që vjen nga miqtë shqiptarë.
“Sot një grup prej 60 infermierësh do të arrijë në Itali për të mbështetur spitalet tona. Një ndihmë konkrete, një tjetër dhuratë që na vjen nga miqtë tanë shqiptarë. Faleminderit Edi Rama për solidaritetin dhe mbështetjen e saj për Italinë”, shkruan Di Maio.
Ky është grupi i dytë mjekësor që Shqipëria dërgon në Italinë fqinje, pas dërgimit të 10 mjekëve dhe 20 infermierëve pak javë më parë, një gjest që mori vëmendjen e shumë personaliteteve dhe falenderimet e tyre./Gazeta Librale
