5 mijë euro bileta e ndeshjes Argjentinë-Holandë, mafia aziatike futet në veprim
Deri tani ka qenë një nga protagonistët absolut të Botërorit dhe për këtë ka shpërthyer Messimania.
Tifozë vendas dhe nga e gjithë bota janë dashuruar me talentin argjentinas. Tani që Lionel Mesi e ka çuar ekipin e tyre në çerekfinale, të gjithë duan ta shohin atë në fushë.
Tifozët nga e gjithë bota, të cilët mbërritën në Doha për Kupën e Botës, kanë shprehur interes të shikojnë në stadium ndeshjen e radhës mes Argjentinës dhe Holandës, sepse ajo mund të jetë edhe ndeshja e fundit me protagonistin amerikano-jugor.
Por jo të gjithë mund të kenë fatin të sigurojnë një biletë.
Çdo sfidë e “Albiceleste” përjetohet si një ngjarje unike dhe e jashtëzakonshme. Sa e jashtëzakonshme është shuma e kërkuar për biletë për ndeshjen e radhës të skuadrës argjentinase?
Një biletë për ndeshjen e radhës së Argjentinës përballë Holandës shitet për 4500 euro, ose pesëfishi i çmimit zyrtar. Në çdo rast do të ishte diçka e vogël, duke marrë parasysh popullaritetin e futbollit. Është një Botëror për të pasurit, është e kotë ta mohosh. Dhe Katari është bërë një park i madh argëtimi me futbollin si temë kryesore.
Organizatorët kanë krijuar disa zona rekreative me restorantet më të njohura në botë. Dhe hotelet janë kryesisht ekstra-luksoze, me plazhe private, për të garantuar praninë e klientëve me një fuqi të lartë blerëse.
Nga të gjitha këto po përfiton edhe mafia aziatike, e cila kontrollon shitjen e biletave. Një kupon ekonomik për atë që mund të jetë ndeshja e fundit e Leo Messit me Argjentinën shitet për gati pesë mijë euro. Por Paketa Premium e cila garanton edhe darkën në ambjentet e nderit kushton mesatarisht 7.500 euro.
Kanë mbetur ende disa ditë, nga fillimi i ndeshjes. Holanda është një emër i madh i futbollit botëror dhe për të parë Mesin përballë tulipanëve, mundet që të pasurit nga e gjithë bota të çojnë çmimin e një bilete në 24 orët e fundit, në nivele të paimagjinueshme.
