Periudha e pushimeve është një kohë e shkëlqyer për të lexuar libra, për bërë dhuratë një libër, apo për të sugjeruar se çfarë të lexoni.
Bill Gates e ka bërë gati listën e tij, dhe nëse doni të dini se çfarë lexon një ndër njerëzit më me influencë dhe të pasur në botë hidhini një sy.
Prezantimi më i mirë i fantashkencës për të rritur: “Stranger in a Strange Land” nga Robert Heinlein. Ky libër është ende një nga romanet e mi të preferuar fantastiko-shkencor të të gjitha kohërave. Ai tregon historinë e një të riu që kthehet në Tokë pasi u rrit në Mars dhe fillon një fe të re. Mendoj se trillimet më të mira shkencore shtyjnë të menduarit për atë që është e mundur në të ardhmen, dhe Heinlein arriti të parashikonte ngritjen e kulturës hipi vite përpara se të shfaqej.
Kujtimet më të mira nga një yll rock-u: “Surrender” nga Bono. Ky libër doli këtë muaj, kështu që është libri më i fundit që kam lexuar në listën time. është një lexim super argëtues se si një djalë nga periferitë e Dublinit u rrit për t’u bërë një yll dhe filantropist me famë botërore.
Udhëzuesi më i mirë për të udhëhequr një vend: “Teams of Rivals”, nga Doris Kearns Goodëin. Ky është një nga librat më të mirë i shkruar për Abraham Lincoln. është i rëndësishëm për t’u lexuar pikërisht në një kohë kur, ka kryengritje të mëdha, pyetje të vështira rreth racës dhe ndarje të thella ideologjike. Goodëin është një nga biografët më të mirë të Amerikës dhe “Team of Rivals” është padyshim kryevepra e saj.
Udhëzuesi më i mirë për gjetur rrugën tuaj: “The Inner Game of Tennis”, nga Robert Gallwey. Ky libër i vitit 1974 është një lexim i domosdoshëm për këdo që luan tenis, por mendoj se edhe njerëzit që nuk kanë luajtur kurrë do të marrin diçka prej tij. Gallëey argumenton se gjendja juaj shpirtërore është po aq e rëndësishme, mbase edhe më e rëndësishme, sesa aftësia juaj fizike. Ai jep këshilla të shkëlqyera se si të ecim në mënyrë konstruktive nga gabimet, të cilat jam përpjekur t’i ndjek si brenda dhe jashtë fushës ndër vite.
Libri më i mirë për tabelën periodike: “Mendeleyev’s Dream”, nga Paul Strathern. Historia e kimisë është e mbushur me personazhe të çuditshëm si Dimitri Mendeleyev, shkencëtari rus që propozoi për herë të parë tabelën periodike pasi dyshohet se i erdhi në ëndërr. Libri i Strathern-it e gjurmon atë histori deri në origjinën e saj në Greqinë e lashtë. Është një vështrim magjepsës se si zhvillohet shkenca dhe si ka evoluar kurioziteti njerëzor gjatë mijëvjeçarëve. /Liberale.al
