Aktualitet

20 policë me Covid-19, dalin 6 raste të reja në Kukës

Shkruar nga Liberale
20 policë me Covid-19, dalin 6 raste të reja në Kukës

Pas Tiranës, Durrësit, Shkodrës dhe Vorës, numri i policëve të infektuar me Covid-19, u rrit edhe në Kukës.

Mësohet se 6 efektivë të Drejtorisë së Policisë së Kukësit kanë rezultuar pozitivë së fundmi, duke e çuar në 20 numrin e policëve me Covid-19.

Fillimisht, pozitiv u konstatua një efektiv i cili më pas dyshohet se ia transmetoi virusin edhe kolegëve të tij. Në Gjirokastër, të premten iu nënshtruan testit 15 efektivë të cilët kishin patur kontakt me një emigrant të prekur me Covid-19, që ishte kthyer nga Greqia, por fatmirësisht asnjë prej policëve nuk ka rezultuar pozitiv.

Pas zbulimit të rasteve të para me koronavirus, në të gjithë drejtoritë e policive janë marrë masa duke u ngritur tunele dezinfektimi. Në Drejtorinë e Përgjithshme masat kanë shkuar më tej, duke mos lënë asnjë punonjës në zyra.

Liberale Newsroom

Poll
SHQIPENGLISH